1. Хэмжээний тэмдэглэгээ (Жишээ: 205/55 R16 91V)

205  - Дугуйн өргөн — 205 мм.

55 - Хажуугийн өндөр ба өргөний харьцаа — 55%.  (Дугуйн хажуу нь өргөний 55%-тай тэнцүү өндөртэй.)

R - Радиаль бүтэцтэй дугуй (одоогийн бүх дугуйн ихэнх нь радиаль).

16 - Дугуйн дотоод диаметр буюу обудны хэмжээ — 16 инч.

91 - Даацын индекс — 91 = нэг дугуй 615 кг даах чадалтай  (Тусгай хүснэгтээр уншина.)

V- Хурдны индекс – V = 240 км/ц хүртэл хурданд зориулагдсан. (Мөн тусгай хүснэгтээр тодорхойлогдоно.)

2. DOT тэмдэглэгээ (Жишээ: DOT A2CD 4022)

4022 → 2022 оны 40-р долоо хоногт үйлдвэрлэгдсэн гэсэн үг.

DOT код нь дугуйн гарал үүсэл, үйлдвэрийн шугам, үйлдвэрлэсэн огноог илэрхийлдэг.

3. Бусад тэмдэглэгээнүүд

M+S (Mud + Snow)  Шавар, цасанд тохиромжтой дугуй.

3PMSF (Three Peak Mountain Snow Flake)

Цастай замын тусгай стандарт хангасан — өвлийн жинхэнэ дугуй.

XL / Extra Load Нэмэлт даацтай, хатуужил сайтай дугуй.

Rotation → Сумтай бол эргэх чигийг заана (зөвхөн нэг чиглэлд тавина).

Outside / Inside - Ассиметр дугуйн гадаад ба дотоод тал.

E4, E8 гэх мэт (ECE сертификат) - Европын чанарын стандартын тэмдэглэгээ.

4. Дугуйн элэгдлийн индекс (Treadwear)

Treadwear 300 гэх мэт → 100-г бодвол 3 дахин удаан элэгддэг.

5. Барьцалдах чадвар (Traction)

AA, A, B, C зэрэглэл — чийгтэй зам дээрх барьцалдах чанар.

6. Дулаан тэсвэрлэл (Temperature)

A, B, C зэрэглэл — өндөр урт хугацааны халалт даах чадвар.